Lirik Lagu - Tetin Limat [Bozton Wuran]

TETIN LIMAT

[Bozton Wuran]

 

Arik sedon kebarek nusatadon
Aem kelemu seme patun tawa
Ruat tobo doan ata tanah sina
Tutu onet pai ta'an tou
 
Kaka mamun belake Adonara
Go sukano ka’aro maten kae
Ruat tobo doan ata tana yawa
Marin onet tala lango gere
 
Sedo barek ata tobo keka
Nuluyem di tenane ul’in
Tobo heri rae ruran tukan
Denang biho pasing ana uhu tite
 
Mamun senaren ata pehen pena
Waleyem di doi urupia
Dei heri weli kuan tukan
Seba ait ma’an gelekat lewotana
 
Arik saren koda susah ake maan woho lodo
Kaka sayang kirin senang ake ma’an laran nai
 
Pai ruat tabe tetin limat
Koda kirin gahin rere rere
Ti uma lango ruat titen
Ake hutan toen
Tode ruat sampe nuan tutu
 
***********
Kaka mamun belake Adonara
Go sukano ka’aro maten kae
Ruat tobo doan ata tana yawa
Marin onet tala lango gere
 
Sedo barek ata tobo keka
Nuluyem di tenane ul’in
Tobo heri rae ruran tukan
Denang biho pasing ana uhu tite
 
Mamun senaren ata pehen pena
Waleyem di doi urupia
Dei heri weli kuan tukan
Seba ait ma’an gelekat lewotana
 
Arik saren koda susah ake maan woho lodo
Kaka sayang kirin senang ake ma’an laran nai
 
Pai ruat tabe tetin limat
Koda kirin gahin rere rere
Ti uma lango ruat titen
Ake hutan toen
Tode ruat sampe nuan tutu